zugeer l zochil...

Hairiin tuhai surgamjit oguulleguud 6: Gulug zarna

Гөлөг зарна

Дэлгүүрийн эзэн “Гөлөг зарна” гэсэн зарыг хаалган дээрээ хадаж байлаа. Ийм төрлийн зар бяцхан хүүхдүүдийн сонирхлыг ихэд татдаг болохоор нэг жаахан хүү дэлгүүрийн эзэн дээр зарын тухай лавлахаар ирэв.

Хүү: “Та гөлөгнүүдээ хэдээр зарах юм бэ?” гэж асуулаа.

Эзэн: “30-50 доллараар л зарна” гэж хэлэв.

Бяцхан хүү халаасаа ухаж, хэдэн задгай мөнгө гаргаж ирээд, “Надад 2 доллар 37 цент байна, гөлөгнүүдийг чинь харж болох уу?” гэж асуув. Эзэн инээмсэглэн шүгэлдэхэд, саяхан гөлөглөсөн халтар нохой үүрнээсээ давхин гарч ирэхэд араас нь 5н бондгор гөлөг даган гүйлдэв. Гэтэл нэг гөлөг бусдаасаа нэлээн хоцорч яваа харагдана. Хүү тэр даруй хамгийн ард нь мөлхөж ядан яваа гөлгийг онцолж, “Энэ жаахан нохой яасан юм бэ?” гэж лавлав.

Дэлгүүрийн эзэн: “Малын эмч энэ гөлгийг үзээд ташаа нь гэмтсэн гэж хэлсэн. Энэ гөлөг үүрд ийм доголон байх болно” хэмээн тайлбарлав.

Хүү учиргүй баярлаж: “Би энэ гөлгийг л авмаар байна” гэлээ.

Эзэн: “Үгүй үгүй чи энэ гөлгийг худалдаж авах хэрэггүй. Хэрэв чи хүсээд байгаа юм бол чамд зүгээр өгчихье” гэлээ.

Хүү жаахан ундууцаж, дэлгүүрийн эзний нүд рүү цоо ширтэн, хуруугаа зааж ингэж хэлэв. “ Таныг энэ гөлгийг надад зүгээр өгөөсэй гэж би хүсэхгүй байна. Энэ гөлөг бусад бяцхан нохойнуудтай адилхан үнэтэй байх ёстой. Би үнийг нь бүтнээр нь төлнө. Одоо надад 2 доллар 37 цент байна. Би бүх мөнгөө төлж дуустал танд сар бүр 50 цент өгөх болно” гэж хэллээ.

Эзэн учиргүй сандарч, “Чи энэ гөлгийг үнэхээр авмаар байгаа юм уу?, Энэ гөлөг бусад шигээ гүйж харайж, үсэрч, чамтай тоглож чадахгүй шүү дээ” гэлээ.

Гэтэл хүү доош бөхийж, өмдөө дээш татахад, хүүгийн хөл нь мушгирч, зүүн хөлийг нь металл тулгуураар тогтоосон байв. Хүү дэлгүүрийн эзэн рүү харж, зөөлөн дуугаар: “Би өөрөө ч сайн гүйж чаддаггүй юм. Энэ бяцхан гөлөгт өөрийг нь ойлгодог хэн нэгэн хэрэгтэй шүү дээ” гэлээ.

БИДЭНД ӨӨРСДИЙГ МИНЬ ОЙЛГОДОГ АНД, НӨХӨД ЗААВАЛ ХЭРЭГТЭЙ.  

19:57, 2013-03-03 .. Бичсэн: fantastic

nice2

xmmm

14:13, 2012-05-10 .. Бичсэн: aktamak

estoi nice

01:31, 2010-10-03 .. Бичсэн: Зочин

ene uneheer goy uam aa setgel bur uyarj bn shuu

ashly

18:26, 2010-09-18 .. Бичсэн: Зочин

uheheer oorig.ni oilgoh hun hun blgond l heregtei hoorhon blje